كلمني شريف نجيب (واحد يقول تاني
شريف ...الظاهر مش حنخلص منه)بس الحقيقة المرة دي كان في موضوع مهم استوقفني .قال لي ان صاحبه عمرو سلامة كان في حوار مع ممدوح الليثي نقيب السنيمائيين في قناة تلفزيونية وان الليثي طالب 150الف جنيه لاعطاء ترخيص لعمرو للسماح له بالاخراج السنيمائي ومبرره انه لازم يحمي المهنة وان الاخراج علم و ان ممكن الواحد يمارس الطب من غير إذن نقابة الاطباء؟؟؟.
و الحقيقة الكلام ده يجرنا لتلت مواضيع
الموضوع الاول معنى النقابة
الموضوع التاني فكرة العلم
الموضوع التالت هل يمكن ممارسة مهنة الطب في مصر بدون إذن نقابة الاطباء؟
ولأن الموضوع التالت اسهل حاجة عشان سؤال فانا حجاوب عليه بوصفي طبيب وخريج طب الاسكندرية عام 1981
والاجابة هي آه
ما يجعلني امارس مهنة الطب ويعطيني هذا الحق هو تحديدا ترخيص ممارسة المهنة الذي احصل عليه تحديدا من وزارة الصحة
يعني من الدولة التي من حقها تنظيم ممارسة المهنة بقوانين وهذا مايحدث
يعني مش من حق النقابة لانها مش الدولة وهنا نأتي للموضوع الاول
معنى النقابة؟؟؟
النقابة تجمع اختياري تطوعي و خدوا بال حضراتكم قوي من اختياري ومن تطوعي للعاملين في مهنة واحدة يعني مهني
وبالتالي بنلاقي مثلا نقابات متعددة للاطباء في امريكا
على فكرة برضه في امريكا البورد مش السنديكات او السوسايتي
وفي قصص كتير قوي على معارك قانونية لمنع السوسايتيز من اعطاء تراخيص
ومش موضوعنا
الفكرة في النهاية انه في اي حتة في الدنيا بتدعي الديمقراطية والحرية
عضوية النقابة عملية اختيارية والناس بتنضم اليها لمزاياها مش لانها سبيل العمل
وعلى فكرة ده كان اللي حاصل زمان في مصر قبل تأميم النقابات في عهد يوليو
يعني ببساطة الكلام عن ان من حق النقابة منع اي فرد من العمل
هو كلام فارغ و لامحل له من الاعراب في اي دولة ديمقراطية النقابات فيها تنظيمات مهنية اختيارية اهلية غير تابعة للدولة
نرجع بقى للسؤال التاني او الموضع التاني
العلم؟؟؟
العلم تعريفه وفقا للكثيرمن المعاجم يعني الملاحظة و التعريف والوصف والتجربةو القابلية للخطأ
و مسالة ان الاخراج علم معلش يا استاذ ممدوح فيها قولان لان قابلية الخطأ غير موجودة هنا
اي حاجة صواب ليه لان الخطأ غير الجمال و الوحاشة والمقبول عند الناس
الموجود في اي مؤسسة تعلم الاخراج في الدنيا هو حرفيات يعني شوية آليات لتيسير الامور على من يرغب في ممارسة هذا الموضوع
يا ترى كلامي واضح؟؟؟
17 comments:
في تقديري ان ده موضوع حقوق انسان وقضية ديمقراطية هامة لانه يتعلق بحق العمل وتدخل تنظيم اهلي في مهمات الدولة
يعني متهيألي كده ممكن يبقى قضية بجد
و الله الكلام واضح و زي الفل، بس فين اللي يسمع و فين اللي يفهم ! كل حاجة ماشية بالمقلوب في بلدنا.. يوم ما نطلب تصحيح أوضاع صناعة السينما الناس العادية حاتسخر مننا قبل المسئولين.. حاجة تقرف و الله يا دكتور بجد !
تحياتي و شكراً على الموضوع المفيد.
شريف نجيب
شكرا يا شريف انه عجبك
بس رأيي ببساطة انه بدل م الناس تعمل قضايا عشان حاجة مش حقيقية فياريت يعملوا قضايا عشان حاجات حقيقية وحيلاقوا اللي يهتم
يعني قضية عمرو قضية الاف غيره ومش بس كده الممثلين و غيرهم
تداخل الاختصاصات والاعتداء على حقوق اساسية للمواطن من قبل هيئات يفترض انها غير حكومية واختيارية امر خطير
تحياتي يا شريف
يا ريت تقو ل لعمرو يقراه
اصل ياباشا ده مش فيلم ده تريلر
حضرتك الفيلم مش انا اللي عمله
انا عامل التريلر عشان الناس تشوف الفيلم في اللينكات
أظن إن التعريص داء !
الاخ د.محمد م ع
سنبلاوين غربية حاربت منوف دقهليةسأل سؤال ضيرسي
الاجابة القوادة فن وعلم وموهبة
ولبعض الناس فيها ريادة ودربة تستوعبه
بالنسبة لان التعريص داء
يا شريف قالوا قديما الفنون جنون
ودي غنوة او قصيدة خالدة للشاعر العربي الجاهلي الضيرس الكبير
الفنون جنون
وحبيبي مجنون
بس نصيحة من برنامجنا لكل الاخوة اللي يحبوا يمارسوا فن التعريص
وحاسين في نفسهم بامتلاك الموهبة
لازم تحاولوا تاخدوا شهادة لصضل الفن بالعلم
يعني ياريت تعرفوا حد في الاداب يعمل لكم محضر صغير كده
وبعدين تترقوا وتوصلوا للشهادة العليا من الادارية العليا
صباح الخير عليكم اعزائي الدارسين والدارسات انا طلبت من كل الاحبة المستمعين في برنامجنا هنا يخلوا بالهم معايا
القوادة ليست مهنة بقدر ماهي هواية
يعني شريف عنده حق لما يقول انها داء
بس داء عند ناس يتحول الى غية وبعدين بيحترفوا الهواية دي
ونقول للسديك الدكتور محمد م ع
سنبلاوين محلية
نشكرك على حسن الاستماع وياريت تيجي كل يوم وتبعت لنا ايميلات في برنامجنا
بالراحه يادكاتره...الحيطه لها ودان؟؟
وعندنا مقام وااااااسع ومريح
وكله أمان
ولا البولمان
يكفيك شر اللومان
للكلام الضريسى من هذا المقام
ولوأن الحاله بقت نيله فعلا والعالم دى مابقاش عندها خشا...خالد
حاجه بجد..مثلا فى بلاد الفرنجه المسماه كندا ..أعطاء تراخيص مزاوله المهنه سواء للأطباء أو الصيادله مثلا هى من أختصاص ال
College
زى
Ontario College of Pharmacists
أو
Ontario College Of Phys. & Surg.
ودى لازم تشترك فيها وتدفع رسوم وعندهم لجان لمراقبه أداءك المهنى وحفاظك على أخلاقيات المهنه ألخ ..ألخ وهم قادرين على سحب ترخيص مزاوله المهنه..ولو فيه قضيه مرفوعه على طبيب أو صيلى مثلا يجب أخذ رأى ال
College
مش بشكل أستشارى ﻷ كرأى قاطع ..فى حين أن مايشبه النقابه هى
Associtions
زى مثلا
Ontario Pharmacists Asso.
ودى للدفاع عن مصالح اﻷطباء والصيادله وتقديم خدمات زى التأمين ع الحياه واﻷهم التأمين الجماعى
مش فام يعنى أيه نقابه ممثلين تدى تراخيص تعريص يوه أقصد تمثيل..خالد
يا دكتور خالد الحقيقة النقابة اللي بتدي تراخيص تعريص هي نقابة المعرصين
مش الممثلين
الممثلين بتدي تراخيص
...ولا بلاش احسن نروح الضيرس
سعادتك يا دكتور خالد الكولدج الكندي زي البورد الامريكي دي مؤسسة تتبع الولاية وهي التي تنظم المهنة بقوانين
وليس النقابات او الاتحادات و ده في بلاد لا ـاكل البلح امهات ومفيش فيها تعلب فات فات
مش بالظبط ياأبو يحي..الكولدج مستقله لحد كبير عن السلطه التنفيذيه عموما..بيسموها
self governing body
وده بيديها ثقل..مثلا رغم اﻷحتياج الواضح ﻷطباء الكولدج بتاعه أونتاريو للأطباء والجراحين معرقله بشكل مبالغ فيه الترخيص بمزاوله المهنه لخريجى كليات الطب اﻷجنبيه حتى من دول زى فرنسا وأنجلترا لى أصدقاء معاهم تخصصات ودرجات زماله ودكتوراه من أنجلترا وفرنسا من جنسيات مختلفه ومش قادرين يحصلوا ع الترخيص ده والحكومه مش قادره تلف حولين السلطه المطلقه للكولدج...طبعا هى فى النهايه مسأله مصالح ولكن تعطيك فكره عن قوه المجتمع المدنى بمعناه الواسع....خالد
ده صحيح الكولدج والبورد مش بالضبط تبع الولايات لكن هما سلطات محلية مش عامة وه اللي قصدته يا ابوفارس
وهي برضه سلطات وليست نقابات
وده الاهم
حبيبنا وعمنا
الدكتور خالد
ما اقصده ان البورد في امريكا ليس منتخبا
و هو الذي يضع الامتحانات مثل البار للمحامين
خالص التحيات يا جميل
هي فكرة مجنونة شوية
بس لماذا لا يقوم السنيمائيين المستقلين من غير خريجي المعاهد والاكاديميات الحكومية او غيرها بعمل اتحاد او نقابة او جمعية موازية ويتم اشهارها في الشهر العقاري و تثبيتها في صندوق التنمية الثقافية بوصفها جمعية ثقافية؟؟؟
ومن خلالها يمكن عمل انشطة كثيرة
ولو موجودة ودي تبقى حاجة رائعة لماذا لا تتبنى فكرة توسيع قاعدة العمل و كسر احتكار القوانين
بمعنى ان سلطة الدولة من خلال القانون فقط تصبح هي المقننة للعمل المهني ولا تمنعه
ولا تجعل الامر تعسفيا خاضعا لاهواء او ارادة شخص هو س او ص؟؟؟
طيب معلش استحملوني
انا بردو مافهمتش في الآخر تصرف ممدوح الليثي قانوني ولا لأ
يعني هو طبقا للقانون المصري من حقه يمنع عمرو من الشغل؟؟؟؟
اهلا يا دكتورة
اولا هو قانونا غير قانوني لانه تداخل في اختصاصات جهة رسمية اللي هي الدولة
ثانيا نقابة الممثلين ونقابة السنيمائيين قانونيهم غلط لانها نقابات تأسست بشكل غير دستوري في وقت معين وعلى عجل
ثالثا اتصور انه مع ثورة الديجيتال محدش حيقدر يمنع حد
وده موضوع لازم يتناقش بجد في النقابة المهببة دي
كيف يتم توسيع القاعدة بجد ؟؟
مش تكية هي
اجابة على سؤالك هو نقابة السنيمائيين تحتكر تمثيل العاملين بالسنيما و تمنع عمل غير المنضمين لكن لم يحدث ان نفذ هذا القانون
Post a Comment