حضرت مؤخرا معرض للفنانة الكرواتية زفزدانا يمبريخ
اسمها يعني نجمة الصباح يعني نقدر نقول كده زهرة
بتحاول ترجع للكلاسيكية معرض بالزيت على القماش و الوان زاهية و طبيعة صامتة
مش عارف معجبنيش
حسيت انها بتحاول تقول انا فنانة واكاديمية ومش من حق حد يعمل فن غيرنا
ايه رأي حضرات السادة الافاضل
يسري و خالد ووليد(هما دول اللي اعرف انهم بيقروا ابو يحيى ساعات)مع احترام الالقاب طبعا!!!اسامة
8 comments:
اهداء الى عمر الفيومي
الفنان المصري الرائع
يسري الموضوع بتاع الاعلام متحضر
خالد عايز رأيك بجد ولو عايزين صور تانية او معلومات عن الفنانة ارفعها لكم
على العموم هي مش حلوة وخريجة اوائل الثمانينات
و مولودة 1965
دكتورنا الكبير
كان لابد من صورة ثالثة على الاقل علشان الرأى يبقى قاطع و incisive
يعنى صورة وحشة واتنين حلوين .. او اتنين وحشين وواحدة حلوة .. كده يعنى
بس بلاش صورة الفنانة نفسها -مادام مش حلوة ومن مواليد 65- علشان متأثرش سلبا على المجموعة
انت تؤمر يا باشا
بكرة ان شاء الرحمن ارفع لك 4 صور كمان
وكل هالوين او عيد جميع القديسين وانت
طيب
كل سنة وانت طيب يا عم يسري
النهارده الهالوين او عيد الموتى او عيد جميع القديسين
و رفعت صور عشان سعادتك
مستني تعليق حضرتك هنا وفي مالك عشان ارفع لك قصة جديدة
بمناسبة الهالوين
كمان سؤال ارجو من الجميع الاجابة عليه لو تكرموا
انا ترجمت قصيدة لصديق كرواتي
تحبوا ارفعها في مالك ولا هنا؟؟؟
كل هالوين وأنت طيب..
بصراحه مافهمتش الصور..
الفنانه عايزه تقول أيه..
والا هى مجرد بقع لونيه..
وبعدين يادكتره أنت رايح تعاين المعرض والا صاحبه المعرض..
أعتقد القصص تفضل فى مالك عشان نعرف نلاقيها لما نعوز ..أو ندل حد على قصص من اللى بترجمها نقوله روح مالك..ده رأيى واﻷمرلك طبعا.
تحياتى..خالد
حبيبي الدكتور خالد
يا عم حن علينا عايز اكلم سعادتك
ايه اخبارك؟؟
شفت موضوع شبكونا برمش عينهم في نهاوند
؟؟؟
المعرض زي ما قلت لسعادتك محاولة استعراض عضلات من شخص اكاديمي خايف من الجديد فبيقول احنا اهه بنعمل طبيعة صامتة وزيت على قماش
ايه المشكلة لو ده اتعمل برؤية؟؟
معرفش
مساء الفل علي حضرتك؛
هناك آخرين يقرأوا أبو يحيي وما يكتب من وقت للآخر عندما يسمح الوقت.
لأنني لا أفهم في الفن ألاكاديمي فليس ليٌ رأي في اللوحات
تحيات إسكندراني في بلاد الله الواسعة
ياباشا سعادتك تشرف اي مدونة
انا بس مكنتش اعرف ان حضرتك بتعدس انما بجد ده شرف كبير لي ان حضرتك تقرا ابو يحيى كلما اتيحت الفرصة
اتمنى اشوف تعليقات اكتر من سعادتك في اي من المدونات\
واوعد سعادتك بالمرور
اسامة
Post a Comment