فيه قصة من القصص الشعبي بتتحكى :
عن ان سيدنا موسى طلب من ربنا انه يوريه عدله
وكان على جبل
قام ربنا قال له بص للي حيحصل تحت الشجرة اللي عند سفح الجبل
موسى بص
لقى فارس راكب حصان بيربط الحصان في الشجرة وينام
كان فيه كيس فلوس في السرج
جاه فلاح شاف الكيس مد ايده وخده واتكل
جه راجل عجوز مهكع من الناحية التانية
شاف الشجرة نام تحتها
صحى الفارس ملقاش الفلوس بيدور لقى العجوز
قال له سرقتني
العجوز قال له سرقت مين يابني
الفارس ضربه موته
موسى انخلع قلبه قال لربنا ده عدلك يا رب؟؟
ربنا رد عليه وقال له
هو ده عين العدل الفارس اخد الكيس م الفلاح ظلما وعدوانا والفلاح استرده
والعجوز ده كان جبار في شبابه وقتل ابو الفارس غدرا وغيلة
والفارس خد بتاره..
الحدوتة دي ممكن تشوفها على انها كفر وفسق والعياذ بالله
7 comments:
دكتور اسامة
ياريت نقرالك حاجات من دى كتير
حاجات مش مترجمها او بتقدمها .. او مقالات نقدية وتحليلية ..عاوزين خواطرك الشخصية و تجلياتك .. ياريت تخلى المدونة دى لكده بس
حاضر يا ي!!!بجد هي حتكون كده
لو عجبتك قول لي!!القصة دي على فكرة كنت ببدء بيها محاضراتي في السويد مع بيتر واتكنز
وكانت الطلبة بتنبسط منها قوي
هنا مرة كتبتها قام واحد عيل في كلية تجارة او حاجة كده قال لي انت عبيط
مؤدب...يالا
امر الله
يادكتور جرب تدخل غرف البالتوك وشوف احنا بنعمل ايه فى بعض ... فيه غرف مخصوص .. ناس دافعة فلوس ومسجلة علشان تستضيف ناس يشتموا فيها بعض او يستعرضوا حصيلتهم اللغوية فى قلة الادب او الشخر.. مبقولش ان الاوربيين ملايكة بس نسبة الانحطاط عندهم اقل بكتيييييير
أنا فهمت القصه على أنها تنويعه على قصه لقاء سيدنا موسى بسيدنا الخضر صاحب العلم اللدنى..أمل كل الصوفيه..حين يستطيع العارف أختراق حجب الزمان ويرى العالم فى كليته..الماضى والحاضر والمستقبل متجاورين..بدلا من الزمن الخطى الذى نعيشه كلنا ويتحرك فيه الزمن من تلك اللحظه للتاليه وينكشف لنا -نحن الفانون- العالم ببطء وبلا منطق معظم الوقت..وهو نوع من الرغبه فى أضفاء معقوليه ومنطق على العالم الذى يبدو للوهله اﻷولى بلا منطق أو عبثى كما يقول البعض....الغريب الطريف أن أحد حلول بعض معضلات نظريه الكم هى الزمن السالب أو حركه ألكترون ف الزمان.....كالعاده حتى مايبدو انه حكايه بسيطه تقولها يادكتور يدفع للتفكير.. .تحياتى وأحتراماتى ....خالد
نحن لانستطيع رؤية مالا نعرفه
ولامشكلة , الأكبر .. اننا احيانا كثيرة نعتقد اننا على حق .. ولكن الحقيقة ليست كذلك .. احيانا نعرف اننا كنا مخطئين فى نفس الوقت , واحيانا بعد فترة قد تكون سنين , واحيانا اخرى .. قد لا نكتشف هذا الا .. يوم القيامة .. لما خلاص كل واحد يعرف فعلا وبحق اين الحق
عارف يا دكتور .. انى احيانا كثيرة , ادعى (اللهم ارنا الحق حقا وارزقنا اتباعه)
.............
شكلى حرقت جزء مما كنت ناويه ادونه !!
:\
..........
بس فعلا .. يا ريت هالمدونة تكون عفلا خواطرك او افكارك او كما قلت يوميات
دكتور خالد وجودك الجميل وتعليقك الرائع هو الذي يستحق اتحية والاحترام
الانترنت احيانا كثيرة تجلب بلاوي و امراض نفسيةولكن احيانا اكثر تجلب اصدقاء في منتهى الجمال
ومنهم حضرتك
اتمنى دوام المحبة و توثيق عرى الصداقة والاحترام المتبادل
وليد كان قد تكلم عن موضوع مثل هذا وهناك قصة اخرى لا علاقة لها بالموضوع كما قد يبدو ولكنها في نظري مرتبطة به
دعني اجعلها تدوينة هنا مهداة الى الصديق خالد
دكتورة ايمان هو ببساطة القصد ان مش لازمفتكر ان احنا عرفنا كل حاجة ولا ناخد في نفسنا قوي ان احنا عادلين و طيبين
يعني نفكها شوية
بس خلاص
Post a Comment