تسمحوا لي ان اعترف انا بحب التنس جدا من صغري. وكنت اهوى متابعة بطولة مصر الدولية و ايضا الاسكندرية الدولية في الستينات في نادي سبورتنج.وكنت احفظ اسماء لاعبي الستينات والسبعينات و الثمانينات...ناستازي الروماني ...بيليتش اليوغوسلافي... لندكفست السويدي...سانتانا الاسباني... رود ليفر الاسترالي ..آش الامريكي...ستان سميث ...روزويل الخ وطبعا بورج(على فكرة هو بيتنطق بورة بالسويدي ومكنتش بحبه)وفيلول التشيلي و الارجنتيني فياس....ياه لعيبة كبار قوي .
منساش من الستينات طبعا متريفيللي السوفيتي وطبعا اسماعيل الشافعي المصري وبعده علي الداوودي و احمد المهيلمي...وغيرهم طبعا
المهم انا قلت القدام لكن منساش طبعا ليندل و ماكنرو وكونورز وبوم بوم(ولو اني مكنتش بحبه)ثم ظهر الجيل الامريكي المتميز الذي سيطر على اللعبة في التسعينات
سامبراس..كوريير..تشانج..و طبعا ظهر لعيبة كبار من اسبانيا وموستر النمساوي و كيرتن البرازيلي ومتعدش......
لعيب واحد اللي مقدرش انساه وكتبت عنه قبل كده (في جريدة القاهرة)وانا في رأيي الشخصي المتواضع انه اعظم لاعب في تاريخ لعبة التنس(حتى فيدرر الاسطورة الجديدة في رأيي ولو ان كلامي لا يؤخذ عليه كثيرا في هذا الصدد لاني متعصب جدا و ايضا لاني مفهمش قوي )اللعيب ده هو اندريه اجاسي.شفته اول مرة بيلعب في نهائي الرولان جاروس ضد الاكوادوري اندرياس جوميث
وكنت بشجع الاكوادوري (ثورية بس )لكن الواد الامريكاني الخنفس(وقتها مكنش حلق اصلع)كان لعيب قوي
صحيح ان جوميث كسب ( وانا انبسطت...خيابة بقى تقولوا ايه؟؟؟)الا اني فعلا انبهرت بلعب اجاسي
ومن يومها و انا متابعه...في كل احواله ..وهو بلاي بوي واتجوز بروك شيلدز و هو عاقل و يستعيد مكانته العالمية ويحقق اعظم انتصاراته ويرجع نمرة واحد على العالم(1999) و يكسب 2 جراند سلام ويوصل للنهائي في التالت في سنة واحدة و ينهي السنة كنمرة واحد ويكسر احتكار سامبراس للموضوع ده.وكل ده بعد ما كان وصل ترتيبه الى 147 على العالم ...اندريه اجاسي قصة كفاح مذهلة ونجاح جميلة
والبوست ده تحية مني الى اعظم لاعب ودع الملاعب بعد 20 سنة تنس
الى
اندريه اجاسي
الاهداء الى الصديق الجميل
وليد عبدالله و ابني يحيي اسامة
منساش من الستينات طبعا متريفيللي السوفيتي وطبعا اسماعيل الشافعي المصري وبعده علي الداوودي و احمد المهيلمي...وغيرهم طبعا
المهم انا قلت القدام لكن منساش طبعا ليندل و ماكنرو وكونورز وبوم بوم(ولو اني مكنتش بحبه)ثم ظهر الجيل الامريكي المتميز الذي سيطر على اللعبة في التسعينات
سامبراس..كوريير..تشانج..و طبعا ظهر لعيبة كبار من اسبانيا وموستر النمساوي و كيرتن البرازيلي ومتعدش......
لعيب واحد اللي مقدرش انساه وكتبت عنه قبل كده (في جريدة القاهرة)وانا في رأيي الشخصي المتواضع انه اعظم لاعب في تاريخ لعبة التنس(حتى فيدرر الاسطورة الجديدة في رأيي ولو ان كلامي لا يؤخذ عليه كثيرا في هذا الصدد لاني متعصب جدا و ايضا لاني مفهمش قوي )اللعيب ده هو اندريه اجاسي.شفته اول مرة بيلعب في نهائي الرولان جاروس ضد الاكوادوري اندرياس جوميث
وكنت بشجع الاكوادوري (ثورية بس )لكن الواد الامريكاني الخنفس(وقتها مكنش حلق اصلع)كان لعيب قوي
صحيح ان جوميث كسب ( وانا انبسطت...خيابة بقى تقولوا ايه؟؟؟)الا اني فعلا انبهرت بلعب اجاسي
ومن يومها و انا متابعه...في كل احواله ..وهو بلاي بوي واتجوز بروك شيلدز و هو عاقل و يستعيد مكانته العالمية ويحقق اعظم انتصاراته ويرجع نمرة واحد على العالم(1999) و يكسب 2 جراند سلام ويوصل للنهائي في التالت في سنة واحدة و ينهي السنة كنمرة واحد ويكسر احتكار سامبراس للموضوع ده.وكل ده بعد ما كان وصل ترتيبه الى 147 على العالم ...اندريه اجاسي قصة كفاح مذهلة ونجاح جميلة
والبوست ده تحية مني الى اعظم لاعب ودع الملاعب بعد 20 سنة تنس
الى
اندريه اجاسي
الاهداء الى الصديق الجميل
وليد عبدالله و ابني يحيي اسامة
7 comments:
معلش يا جماعة اللي مبيحبش التنس او الرياضة بشكل عام ميزعلش مني
ده انا كنت ناوي اكتب موضوع كبير قوي عن اجاسي في اسامة
بس الاول قلت اعمل تست
واشوف ايه راي الحبايب
أندريه أجاسي ده معلمي
أنا أصلاً حاولت ألعب تنس من السيرف بتاعه
بجد ممتع و بعدين لما أكتشفت صوره بشعره عجبني أكتر (كنت بسمع ميتال أيامها) و بعدين لازم مننساش أن الراجل أتجوز أميرة التنس الألمانية شتيفي جراف واحدة من فتيات أحلامي المهمين برضه
يلا كله فان و يبقي وجهه الكريم
الله عليك يا محمد
أسامة..
شكرا علي الاهداء الرقيق.
أجاسي من أحسن الناس اللي لعبت تنس.
فكرتني بعادل شريف وكرة ساحقة ماحقة وتعليقاته الظريفة وقعدته في سبورتنج .. كنت بشوفه هناك .
فاكر ماكنمارا وايفان لندل وكريس ايفرت ...
انا طبعا شديد الاعجاب بماكنرو .. بس كانت أخلاق أهله زفت.
أنا لعبت تنس شوية .. بس الكورة كانت أهم عندي .. وبالمرة كانت حركة تخلص من البرجوازية الصغيرة للتلاحم مع طبقات الشعب المزيتة.
صباحك لوف ون
ياعم وليد ده اقل حاجة وانت تعلم معزتك عندي
ان طبعا فاكر ماكنرو و لندل
ده فيه مرة اجبرت الاصدقاء من اليسار المتشدد(بصراحة كنا اليسار شديد التراخي )انهم يتفرجوا على ماتش لندل ماكنرو في نهائي الرولان جاروس يعني بطولة فرنسا
ولندل كسب بعد ماراثون استمر يمكن 4 ساعات
ايام المرحوم عادل شريف
فعلا النوستالجيا شغالة بالجامد
يا أخي لا أدري لماذا اختلف مذاق الفرجة على التنس؟ هل العيب فيهم أم فينا؟
كنت أحب قوة أعصاب إيفان لندل أو إيفان الرهيب.. وأتابع باستغراب احتجاجات جون ماكنرو على الكرة والحكم.. وربما الجمهور.. وكان بيورن بورج يفوز كجبل الجليد ويرفع الكؤوس لكنه ظل على مسافة بعيدة من قلبي.. أما بوم بوم أو بوريس بيكر فقد مثل لنا نموذج الفتى الذي يتحدى الكبار ويتألق في ويمبلدون بالتخصص
شكراً لك على الموضوع الجميل
ياسر حبيبي
نفس الاختيارات
انا لم اكن احب بيورن بورج خالص
كنت احس انه فعلا جبل جليدي
ماكنرو لعبه فيه طعامة وحريف وشخصية متميزة
كنت باشجع لندل لاسباب ايديولوجية!!!خيابة طبعا
بس برضه كان لعيب جدا
شكرا على المرور الجميل والحضور العبق
Post a Comment